Dusobanukirwe impamvu muri Guyane ari hamwe mu hifashishwa kohereza ibyogajuru mu kirere

01/03/2019, Jean-Claude Mulindahabi

Ahantu hagomba guhagurukirizwa ibyogajuru si ahantu habonetse hose. Hatoranywa ahantu hategereye abantu (nko mu butayu cyangwa mu gice cyegereye inyanja) kugira ngo hirindwe ko byagira uwo bihitana iyo mu kubihagurutsa  bigize impanuka.

Abafaransa bagitangira umushinga wo kohereza ibyogajuru bari barahisemo kubikorera mu butayu bw’ahitwa   Hammaguir mu gihugu cya Alijeriya bwari bukolije.  Alijeriya imaze kubona ubwigendge mu w’1962, abafaransa ntibari bagifite uburenganzira bwo kuba bahakorera ibyo bikorwa. Byabaye ngombwa gushaka ahandi hantu haberanye  no kohereza ibyogajuru.

Ahandi hantu impuguke mu bumenyi bw’ibyogajuru basanze ku mubumbe w’isi, hatuma kohereza ibyogajuru bihamya intego ni mu gice cy’isi cyitwa Equateur (Equateur ni umurongo izengurutse isi, inyuze muri kimwe cya kabiri cyayo, mu nzira y’intambike). Ni muri ubwo buryo abafaransa batangiye gushakisha ahantu nk’aho mu duce bafite hirya no hino ku isi. Mu kuhashakisha hiyongeragaho no kureba ahatateza ibizazane

Iyo abafaransa n’abandi banyaburayi bashatse kohereza ibyogajuru mu kirere, bakoresha Ariane (ni yo yifashishwa mu kohereza ibyogajuru mu kirere), aho ihagurukira cyangwa urubuga rwayo mu butaka Guyane y’Abafaransa hatoranyijwe kuva mu w’1964.