LECP INFO | Liberté d'Expression Culture et Paix Indwara ya « CWE » iheranye abanyarwanda. – LECPINFO
Visit Us On FacebookVisit Us On TwitterVisit Us On Google PlusCheck Our FeedVisit Us On Youtube

Indwara ya « CWE » iheranye abanyarwanda.

Partager/Share/Sangiza
 11/3/2018, Deo Kabano
Aba biyereka aha ni bo bagira icyo bavuga se? Ni ba Cwe. Bari mu mwiherero wa 15 i Gabiro
Mu mwaka wa 2011, ubwo yari asumbirijwe n’abaturage bari biraye imihanda yose bagaragaza ko batagishaka ubuyobozi bwe, umunyagitugu Mouamar Kaddafi we, yageze aho ibintu bimuyobera, aburira igisobanuro ibyamubagaho, nibwo avuze ko abaturage be ibyo bakora atari ibibavamo ahubwo ari imyuka ihumanya amahanga yabasutsemo, bigatuma bakora ibyo we yitaga ko ari ubusazi. Imyaka 40 yari amaze ayobora Libiya yari yaramenyereye kubona gusa abaturage bamwubaha kandi bitonda, batagira icyo babaza, ku buryo kuri we ibyo yabonaga muri 2011 bitari muri kamere y’abo baturage.
Nyamara mu by’ukuri byerekanaga ko bari bamurambiwe nubwo batabivugaga, ku buryo umuntu atanakwibaza ko Libiya tubona ubu yananiwe kwiyunga, irimo ibice byinshi, itaba ibiterwa n’ibikomere yabitse igihe kirekire cyane mu mutima mu gihe cy’ubuyobozi bwa Kaddafi, itabashije kwatura ngo bikire akaba ari byo byabaye intandaro y’ugucikamo ibice kwa Libiya muri iki gihe. Ibi kandi birasa cyane n’íbyabaye  muri Somalia nyuma y’ingoma ya Mohamed Siad Barre, wavuyeho nyuma y’imyaka 23 ayobora, agasiga igihugu cyacitsemo ibice kugeza magingo aya. Ibi wanabisanga no muri Zaire ya Mobutu.

Umunyarwanda yaravuze ati « ruriye abanda rutakwibagiwe », ibyo tuzuve kuri ibi bihugu, iyo witegereje neza usanga n’u Rwanda rwacu ari ho rugana. Amakosa akorwa atuganishayo ni menshi, ariko rimwe mu y’ingenzi yahindutse nk’indwara, ni ikintu cya “cwe” kiranga umunyarwanda mu nzego zose, kandi kikamunga sosiyeti, nka ya ndwara y’ikibyimba kinini gikura kikazameneka kikabyara igisebe cy’umufunzo kibabaza cyane.

Uyu muco w’abanyarwanda wo kutabasha kwatura ngo banenge ibintu bitagenda bikorwa n’ubuyobozi,  kandi babona n’amaso yabo, ni wo ugenda ubyara ibindi byago bigenda byisukiranya uko bwije uko bukeye.

Nawe se, Sendashonga na Lizinde, umwicanyi Kagame abahige bukware kugeza abirengeje, nta cyaha barezwe, nta rubanza baciriwe, abandi banya politike bose bati “CWE”, haburamo n’umwe wagira abandi inama, ati « ibi ntibikwiriye mu Rwanda rushya twaharaniye ». Umusaruro wavuyemo ni uko wawundi wabikoze, yigiriye inama ati « ariko ubundi ko ntawatinyutse kumbaza », reka nze nkwereke, aba akurikijeho  Pasteur Bizimungu na Ntakirutinka, babacurira ibinyoma reka sinakubwira, abantu bose babireba, cyane cyane abanyapolitiki bagenzi babo, bajugunya  mu buroko, nuko ba bandi bose bari basangiye umwuga ngo “CWE”.  Hakurikiyeho iki? Barishwe ba Rwisereka, Cyiza, Mucyo , Inyumba, n’abandi ntarondora ngo ndangize, byose bitewe n’uko abanyapolitiki barebereye umwicanyi akora amahano bakaruca bakarumira, undi na we akumva ko ari nk’aho ahawe uburenganzira bwo kwikiza uwo ashatse wese kandi mu buryo abishatse. Ibi ni na byo byatumye ava no mu banyapolitiki yadukira n’abandi bagize izindi nzego nyarwanda.

Aricwa Rwigara Assinapol, urugaga rw’abacuruzi bagenzi be ruti “CWE” undi na we ati shyuhuhu, ubwo mucecetse munshyize igorora  reka mbongerereho na Makuza , Rwabukamba n’abandi, ilisiti iba ndende.

Aba yadukiriye mu bihayimana, nyuma  y’abasenyeri biciwe i Gakurazo, abandi bihayimana bagiye bicwa urusorongo, bikavugwa n’imiryango mpuzamahanga iharanira uburenganzira bwa muntu, ariko abihayimana nyirizina bo bati “CWE”.

Biragenda bigera mu bacikacumu, baricwa umusubirizo, abandi barafungwa bazira akarengane, umuryango wa IBUKA wakabaye uwa mbere mu kubarengera na wo uti “”CWE”.

Ntibyahagariraho, umwicanyi Kagame yadukira n’abanyamakuru abaraba ivu, arica aratsemba, arafunga abagize amahirwe barahunga, ariko umuryango uhuza abanyamakuru na wo uti “CWE”, bakavugirwa gusa na “Reporters without borders”.

Ya ndwara ya “CWE” iragenda igera no mu baganga, aricwa Dr. Gasakure, urugaga rw’abaganga rurinumira.

Arafungwa Ingabire, arafungwa Diane Rwigara na Nyina, n’abandi bagore benshi barengana, harimo n’abazunguzayi, imiryango iharanira uburenganzira bw’abagore iti “CWE”.

Barafungwa ba Tom Byabagamba, General Rugasara na bagenzi babo, abandi basirikare bagenzi babo bati “CWE”.

Birakomeza bigera no mu bahinzi-borozi, babuzwa amahwemo na Leta ya Kagame, imyaka yabo babuzwa kuyicuruza, amata babaha igiciro cy’intica ntikize, babategeka ibyo bahinga kandi bitababereye, na bo bati “CWE”.

Abayobozi umunyagitugu akabatuka akandagaza ku karubanda, akabagerekaho amakosa yose ari yo n’atari yo, bose bati “CWE” bakarebana mu maso bose bati wumve nkome.

Bigiye kujya irudubi, amadayimoni ya  wa mwicanyi aba atangiye no kwibasira amasengero ayafunga hamwe n’abashumba bayo, abo basangiye umwuga bo bati “CWE” dukome maze natwe ayacu bayafunge.

Uwarondora bwakwira bugacya, kandi uri mu Rwanda usoma ibi, yavuga ati ariko namwe ntimugashinyagure, tuvuge iki se, tuvugire he? Ko twagoswe byarangiye. Nyamara nubwo ari byo koko ko umunyagitugu Kagame yica, arigisa, afunga akaniba, ariko mwene iyi migirire yo kurebera ibintu gusa, tukibwira ko hazaza ikivajuru kikaza kudukemurira ibibazo, ni byo bituma twibeshya, tugahora mu byiringiro bidafite ishingiro, hagati aho umunyagitugu we agakura mu bugome bwe, ari na ko atumaraho abantu, byose biturutse kukuba twarahaye intebe “CWE” mu migenzereze yacu ya buri munsi, tukabura wa mutima wo kujya ku ruhande rw’ukuri no kugushyigikiranamo.

Ibi rero ni byo bituma abantu, mu kutavuga kwabo, babika ingorane, ububabare n’agahinda mu mitima yabo, kuzagera igihe bizaturika bigasohoka, bigasa nka ya Kanseri abaganga babonye yararenze umurwayi, nta kindi asigaje uretse gutegereza urupfu. Natwe rero banyarwanda, niba tutikubise agashyi ngo tuve muri ‘’CWE” tujye mu ruhande rw’abaharanira ukuri, tuzaba turi gutanga umusanzu mubi wo gusenya igihugu cyacu. Nkunze kubwira abantu nti muratinya iki ko n’ubundi mutazabaho nk’Ibisi bya Huye, ko iyi si twese twitambukira, mwaharaniye ukuri, mukanga ikinyoma n’akarengane, mukazasiga inkuru nziza imusozi, kandi mukaraga igihugu cyiza abana banyu. Mureke kugenerwa imibereho yanyu n’umunyagitugu wibwira ko imbunda n’amasasu ari byo bizatuma abagenza uko yishakiye, reka nsoze n’iyi nteruro nkunda cyane ya Martin luther King Jr. “ Our lives begin to end the day we become silent about things that matter” ( ubuzima bwacu butangira kurangira iyo duhisemo guceceka imbere y’ibintu bifite agaciro”.

Abantu bakomeje gutekereza icyakorwa, muri abo basa n’abatanga ibisubizo byakosora iyo CWE, harimo Joseph Matata na Aloys Simpunga, twumva kuri Radio Inkingi ku bibazo bya Gaspard Musabyimana. Nimubakurikire:

 

Related Posts

Ni kuki Ishema ry’u Rwanda ryahagaritse kwingingira FPR ibiganiro? Turasubizwa na V/Pdt w’ishyaka

Ni kuki Ishema ry’u Rwanda ryahagaritse kwingingira FPR ibiganiro? Turasubizwa na V/Pdt w’ishyaka

Uyu mwaka Ingabire Day izanye iki gishya? Bamwe mu bategura uyu munsi baradusubiza.

Uyu mwaka Ingabire Day izanye iki gishya? Bamwe mu bategura uyu munsi baradusubiza.

Ubuhamya bwa Major Michel Mupende ku rupfu rwa Gén Fred Rwigema na ba Majors Peter Bayingana & Chris Bunyenyezi

Ubuhamya bwa Major Michel Mupende ku rupfu rwa Gén Fred Rwigema na ba Majors Peter Bayingana & Chris Bunyenyezi

Biyemeje kwizihiza iminsi y’ingenzi mu Mateka y’u Rwanda itakitabwaho n’ubutegetsi bw’ubu

Biyemeje kwizihiza iminsi y’ingenzi mu Mateka y’u Rwanda itakitabwaho n’ubutegetsi bw’ubu

Uko Dr Nkiko Nsengimana abona inzira yo kubaka u Rwanda buri wese yisangamo

Uko Dr Nkiko Nsengimana abona inzira yo kubaka u Rwanda buri wese yisangamo

Ari gusaba P.Kagame uburenganzira bwo kwinjira mu Rwanda?! Aranemeza ko nta manda ya 4 kuri Kagame!

Ari gusaba P.Kagame uburenganzira bwo kwinjira mu Rwanda?! Aranemeza ko nta manda ya 4 kuri Kagame!

Impaka n’ubwuzuzanye hagati ya Prof Laurien Uwizeyimana na Sylvestre Nsengiyumva ku miterere y’amoko mu Rwanda

Impaka n’ubwuzuzanye hagati ya Prof Laurien Uwizeyimana na Sylvestre Nsengiyumva ku miterere y’amoko mu Rwanda

Diane Rwigara yandikiye Perezida P.Kagame yamagana ubwicanyi bukomeje gukorerwa abacitse ku icumu

Diane Rwigara yandikiye Perezida P.Kagame yamagana ubwicanyi bukomeje gukorerwa abacitse ku icumu

Abagize « Urugo Iwacu » baradusangiza uko bahatanye n’inzitizi mu nzira y’amakuba banyuzemo

Abagize « Urugo Iwacu » baradusangiza uko bahatanye n’inzitizi mu nzira y’amakuba banyuzemo

Dr Eugène Shimamungu arasobanura igitera bamwe mu bategetsi imvugo zidahwitse

Dr Eugène Shimamungu arasobanura igitera bamwe mu bategetsi imvugo zidahwitse

01/07/1962 – 01/07/2019: Imyaka 57 y’Ubwigenge bw’u Rwanda irashize

01/07/1962 – 01/07/2019: Imyaka 57 y’Ubwigenge bw’u Rwanda irashize

Sylvestre Nsengiyumva arasobanura « kurenga umurongo utukura » ndetse na « somalisation » nyarwanda

Sylvestre Nsengiyumva arasobanura « kurenga umurongo utukura » ndetse na « somalisation » nyarwanda

Saidath Mukakibibi yibutse ko imyaka 6 ishize avuye muri gereza. Arasaba ubutegetsi gutanga ubwisanzure busesuye

Saidath Mukakibibi yibutse ko imyaka 6 ishize avuye muri gereza. Arasaba ubutegetsi gutanga ubwisanzure busesuye

Umuyobozi wizera mu mutima we ko ikinyoma kizabyara imbuto z’iterambere wamwita iki?

Umuyobozi wizera mu mutima we ko ikinyoma kizabyara imbuto z’iterambere wamwita iki?

Uko ubutegetsi bwa Samora Machel busa bitangaje nk’ubwa Paul Kagame

Uko ubutegetsi bwa Samora Machel busa bitangaje nk’ubwa Paul Kagame

Theresa May yeguye afite intimba n’amarira: icyo bamwe mu batuye mu Bwongereza babivugaho

Theresa May yeguye afite intimba n’amarira: icyo bamwe mu batuye mu Bwongereza babivugaho

Ese aho ikibazo nyamukuru sosiyeti nyarwanda ifite si ukudasobanukirwa ikibazo ifite?

Ese aho ikibazo nyamukuru sosiyeti nyarwanda ifite si ukudasobanukirwa ikibazo ifite?

Biyemeje gutanga umuganda wabo banyuze mu mpinduramatwara ihereye mu mbere!

Biyemeje gutanga umuganda wabo banyuze mu mpinduramatwara ihereye mu mbere!

Col BEM Balthazar Ndengeyinka na Rugema Kayumba bavuguruje ibyatangajwe na Maj Bonaventure Bimenyimana Cobra

Col BEM Balthazar Ndengeyinka na Rugema Kayumba bavuguruje ibyatangajwe na Maj Bonaventure Bimenyimana Cobra

Paul Kagame yongeye gukoza isoni ba Minisitiri be imbere y’abaturage! Dore icyo bamwe mu banyarwanda babivugaho

Paul Kagame yongeye gukoza isoni ba Minisitiri be imbere y’abaturage! Dore icyo bamwe mu banyarwanda babivugaho

No Comments Yet

Laisser un commentaire