Partager/Share/Sangiza

10/11/2019, Ubwanditsi

Nyuma y’imyaka 13 yari amaze ayobora ishyaka FDU Inkingi, ku itariki ya 09 Ugushyingo 2019 Victoire Ingabire Umuhoza yatangaje ko arisezeyemo nk’umuyobozi ndetse n’umunyamuryango waryo. Yahise anatangaza ko ashinze ishyaka ryitwa DALFA (Development and Liberty for all); ishyaka riharanira imibereho myiza n’ubwisanzure kuri bose.

Yabisobanuye muri vidéo musanga munsi hano:

Kuri Radiyo Ijwi ry’Amerika (VOA), Victoire Ingabire yasobanuye icyo iri shyaka yashyinze rigamije:

https://av.voanews.com/clips/VCE/2019/11/08/bae86688-4c4d-4cd6-a845-ed45aa235803_48k.mp3?fbclid=IwAR2JXXxOCgn9UfC8a18EKFC5TNn1-bKR1S9wUR4mEIC3Yelo9NccArLaqIw

Ikiganiro kirambuye Victoire Ingabire yagiranye na « Umubavu TV »

Mu itangazo, Victoire Ingabire yashyize ahabona yasobanuye muri make icyatumye asezera muri FDU agashyinga ishyaka rindi, yanasobanuye ko amategeko agenga DALFA ishyaka abereye umuyobozi, azatangazwa nyuma.

Ku rubuga rw’iri shyaka, hasobanurwa imigabo n’imigambi yaryo muri politiki:

UBUREZI KURI BOSE

Kugira amahirwe angana mu gushaka ubumenyi bwabateza imbere kuri bo no guteza imbere igihugu cyabo

IMIBEREHO MYIZA Y’ABATURAGE

ubuzima bwiza binyuze mu guha agaciro ubuvuzi bukorera bose no kubyara abo dushoboye kurera

UBWISANZURE MU GUHANGA UMURIMO

Guha abanyarwanda ubwisanzure mu mirimo y’ubuhinzi, ubucuruzi, ubukorikori no mu mirimo rusange

UMUSHAHARA UKWIYE KURI BOSE

Umushahara fatizo mu myuga yose. Korohereza abakozi. Gushyiraho itegeko ririnda umukozi.

GUTURA HEZA KANDI NEZA

Kubaka amazu abanyarwanda bo mu byiciro byose bashobora kwishyura cyangwa gukodesha

GUSARANGANYA IBYIZA BY’IGIHUGU

Gukwirakwiza imishinga iciriritse, ibikorwa by’iterambere n’ibyiza by’igihugu mu uduce twose tw’igihugu

UMUTEKANO KURI BURI WESE

Umunyarwanda aho ari hose akeneye kumva ko atekanye kandi atikanga kwamburwa ubuzima bwe.

IBIKORWA REMEZO BIGERA HOSE

Gukirakwiza ibikorwa remezo binyuranye; imihanda, amashanyarazi, amazi, amashuri, ibitaro mu gihugu hose

Aho twabivanye ni ku rubuga rwa DALFA-Umurinzi: dalfa.org

Ishyaka FDU Inkingi na ryo ryasohoye itangazo rivuga ko ryakiriye ugusezera kwe, rishyiraho Justin Bahunga ngo ariyobore by’agateganyo mu gihe bategereje kuzakora amatora y’abayobozi:

Placide Kayumba umwe mu bayobozi basanzwe ba FDU Inkingi yatangaje icyo atekereza ku iyegura rya Victoire Ingabire: